Garai batean inauteri garaietan dantzatu ohi zen azeri dantza, baina Francoren diktadura garaian inauteriak debekatuak izan zirenez, Hernanin San Juan egunaren ondoren dantzatzen da gaur egun.
14 edo 16 lagunen arteko jolas bat da; Burua azeri larruz estalia duen gidari baten atzetik joaten dira, herriko enparantzatik irten eta herri erdiko kaleak zeharkatzeko asmoz, esku batez soka bat heltzen eta bestean puxika edo maskuri bat izaten dutela. Kalean dabiltzanei ezustekoak eta jipoiak ematen datza jokoa.