Euskal gatazka armatuaren oihartzunak eta argazkiek mapamundian kokatu izan dute nire herria, bestela existitzen ez den herri hau, efimeroki bada ere, mundu zabaleko albistegietan azalaraziz.

Hiru hamarkada luzez Euskal Herrian egindako argazkiak dira hauek, gatazka luze honetan nire begien aurrean ikusi ahal izan ditudan pasarteak. Argazkiok emozio eta bizipen ugari daramatzate atxikirik, askotan ikusezin. Batzuentzat, ulertezin.